البحث في صحة الأحاديث



بحث عن:

البحث داخل المدونة

| 2 التعليقات ]


نعم ارحلي
لا تنظري
للخلف لا
تنتظري اعتذاري

قد قلتها
ولست اندم
فالبعد عنكي
هو اختياري

معكِ حياتي
تستحيل الى جحيم
فارحلي ..
نعم ارحلي
دعي الزمان يداوي ألمي
إرحلي
بالنسيان قد أغفر لنفسي
إنجراري
خلف شيطان الهوى
خلف زلاّتي
وعاري

دائما تقولي أني
حبك الغالي لأني
باسمك أكتب .. أغني
أكنت تسخرين مني؟
عندما قلتي عني
أنت نجمي وافتخاري

الآن أعرف أنكي
كنت تنتظرين انفجاري

انفجار نجم يترك خلفه
آلاف النجوم ,
تسودينها
تقتاتين من
غيوم السموم
هذي حياتك
تنتقلين بين أحضان الرجال
تمتصين أحلامهم مع الدماء
وتنفثي نار البغاء

مع الهموم

تملئين بها حياة المغفلين
انت لست مثل الآخرين
لست من دم ولحم
لا تشعرين
انت من دم وطين
دماءُ سالت من قلوب المجروحين
مع الأنين
سالت على أرضٍ قضت
ماتت ... خَبت
لا خير فيها من سنين
تجمعت في بركة يقال لها
الكره المبين

منها خرجتي
فيها سكنتي
رُبيتي فيها
وأباكي كان
إبليس اللعين

علمكي كيف تَمكُرين
كيف تنسجين خيطا خلف خيطٍ
تخرجي شبك الخداع مغلفا
بالبراءة والسلام
كيف ترسلي الداء المميت
في مناقير الحمام

أي خلق أنتي لا أدري ؟
جمعت بين الحقد والغدرِ
أنت ميكروبٌ
في الدمِ يسري
ودوائي هو ان ترحلين
نعم ارحلي
ليعود لي قلبي الحزين
لتعود نفسي من جديد
الى مصاف العاشقين
فلي حبيبة في الديار
تركتها دون اعتذار
من سنين
سأعود أخبرها
قلبي أفلت
من أيادي المعتدين
جائكي يرجو السماح فاغفري
لي زلتي

أما أنتي فارحلي
نعم ارحلي
لا تنظري
للخلف لا
تنتظري اعتزاري

قد قلتها
ولست اندم
فالبعد عنكي
هو اختياري
...تابع القراءة

| 0 التعليقات ]

اسمع مني كلام نسيته
أو تقدر تقول لغيته
بصراحة انا حافظه صم
بس م الخوف رميته
مرة تانية رجعت أقوله
لما فـ دماغي لقيته
ولقيت خوفي ملوهش معنى
دوست عليه أنا وعديته
اسمع مني كلام كتير
قولي رايك لو حبيته .
ـــــــــــــــــــــــــــــــــــــــ
الامان يعني ألاقي
لقمة ياكلوها ولادي
وأرض أبني عليها عمري
وحاكمها يبقى تحت أمري
مش أكون خدام سعادته
وياخده مني ويبقى عادي

سرقوني ولما اشتكيت
قالوا كل كلامي فاضي
وكبيرهم قال الأرض أرضي
والبلد دي عقودها عندي
واللي منها ما اشتريه
ورثته عن أبويا وجدي
بص شوف فتح عنيك
كل الناس شغالة عندي
وصك عبودية أبوك
وكمان اللي خلفوه
لسه موجود جوا درجي
يبقى انت والعيال
شئ طبيعي من عبادي

شوفتوا بقي لما اشتكيت
لقيت الجاني أصله قاضي
حكم عليا بعمري كله
اكون فـ سجن تحت امره
ما هو الحاكم بأمره
أصله قاضي وحكمه ماضي
واتسجنت وآه يا زلي
لما يكون سجني ..... بلادي

عرفت ليه ما فيش أمان
ولا ضحكة ولا اطمئنان
بس سكوت وظلام وخوف
واللعب على المكشوف
واللي يعمل عنتر زمانه
ويفكر ال مكان مكانه
وكأنه م الغيبوبة فاق
هيقولوا عليه مغرور
وع السجن يكون مجرور
ومصير كمان محتوم

تعرف حد اسمه (أ... نور)؟

وبعد يدوبك غلوة واحدة
هيمضي على الأوراق
عنوانها ... عارفه وقريته
الجبن سيد الأخلاق

ــــــــــــــــــــــــــــــــــــــــــــــ
(موضوع منفصل)

الحيط ما عدش مدارينا
شقيناه ومشينا فيه
دعوة امي راحت عليها
كات بتقول يا حيط داريه

وعجبي
الــغــريــب
...تابع القراءة

| 0 التعليقات ]

كل احلامي جميلة
حلم واحد كان كابوس
حطيت ايدي جوا جيبي
طلعت بس بدون فلوس
روحت لزقت في السرير
وقعدت أفعص ف الناموس
ما معيش حق المبيد
غلبان .. ف السوق جديد
الكبار وقفولي حالي
وهربت من بين عيالي
ما معيش .. هات ما فيش
طب بس عيش
ماتلاقيش
الدمعة فرة من عيوني
قعدت ألعن في الوحوش
والناس ال  ما يرحموش
جه حرامي وقف قصادي
عينه عليا وف ايده موس
شق جيبي قال يا حبيبي
معكش حتى حق الغموس
فين البرادس فين المصاري
فين الورق فين الفلوس
ضحكت لما روحي طلعت
قلت اما صحيح موكوس
مع آخر نفس نطقته
قلت الفلوس مع التيوس
صعبت على الحرامي جابلي
كفن وصرف على الجنازة
قالوا محسن قالوا صالح
قالوا يسد وقت عوزة
ما يعرفوش اني ضحية
وانه كان راسم عليا
الكل مع الموجة ماشي
واللي يقع مالُهش عازة
يا زمن كده ليه كاوينا
نار وقايدة تشوي فينا
اشمعنى احنا تبتلينا
قالي لحقنا خلاص نسينا
ما احنا م الاول رضينا
ان الوضع يكون معكوس
واهي حجة وقالوها لينا
ومكتوبة بمية عنينا
السعادة مش ف الفلوس
والفلوس مع التيوس
شاهد عيان /             
الـغـريــب
...تابع القراءة

| 0 التعليقات ]

على العموم
لما السمك في البحر بيعوم
مابتفرقش مع الصياد
اذا كات الهموم
غرقتني يوم
على الحزن انا معتاد
واللي يوفي فـ يوم
مستحيل بيدوم
واهي قصص تتعاد
ــــــــــــــــــــــــــــــــــــــــــــــــــــــــ
لو ماهو عزيز دمع الرجال***لانهمر سيول تدوب منها الجبال
ـــــــــــــــــــــــــــــــــــــــــــــــــــــــــ
صاحبي دراعي
عليه اتسند
لما أطيح
الصاحب الوفي
لو يتوجد
خليني صريح
أكيد فـ خيال
اترسم بمداد
من جرح جريح
ـــــــــــــــــــــــــــــــــــــــــــــــــــــــــ
لو ماهو عزيز وجود الصديق***ما شوفتم وحيد ماشي فـ طريق
ـــــــــــــــــــــــــــــــــــــــــــــــــــــــــ
صاحبت واحد
كان لي دايما يبتسم
وأصله حاقد
وكان عليا بيترسم
قالولي وارد
بعد النبي ما في واحد يتعصم
والغدر سايد
قلت الصاحب يغلط عشان صاحبه وما يغلط في صاحبه
ولا هو أي واحد يصاحب واحد عشان مصلحة ويسرح به
قالو دور على اللي بيحبك قبل ما تدور على اللي بتحبه
لو الرجال قال حبيت يبقى ولا حاجة
ولو قال انا اتحبيت نقدر نقول حاجة
ولو قال انا اتحبيت من اللى حبيته يبقى الزمان ضحك له
والحظ والسعد ومعاه كل حاجة
صاحبكم الوفي /
الـغـريــب
...تابع القراءة

| 0 التعليقات ]

أنا زجال بنقي كلمتي بغربال
الحلوة أقولها
وأفرد لها الموال
والوحشة أعلق عليها
لو حتى ايه اتقال
وبقول يا شباب
أنا بقول يا شباب

يا شباب مسلم عقل همام
عايش بعد الحرب فـ أمان
بإيد بطل حررنا زمان
وحرر سينا وطابا وقام
فـ وجه عدو وكان مقدام
ازاي نرضى بضرب مكان
أهله بيعبدوا واحد رحمن
الروس بيصفوا في الشيشان
وصهاينة فـ أرض عرب اخوان
خلاص
خلصوا على فلسطين
والدور على سوريا وعلى لبنان
سبنا أمريكا قتلت صدام
وبياكلوا فـ خير بغداد الآن

قوموا ودافعوا عن عروبتنا
قوموا ودافعوا عن الاسلام
وبسرعة تقاطعوا كل جبان
ده لأي جبان الفرجة أمان
أمة أحمد تبقى بتتهان 
واحنا نقول الكورة جوان
كاس أفريقيا وكاس العالم
أهلي زمالك دوري عام
وعقولنا مليانة أوهام

فين أبو بكر وابن العاص؟
نور الدين وصلاح الدين؟
قطز حطين؟
فين الفرسان؟

دولة بتقتل أخويا المسلم
وفـ عين حوا أنا هيمان
وأقول سيبك هضرب أمريكا
ولا أموت فـ جنوب لبنان

بالزمة ده مش يبقى حرام
بالزمة ده مش يبقى جنان

                                   أخوكم /               
                                               الغريب
...تابع القراءة

| 1 التعليقات ]





يا أمي يا سبب سعدي
ف عنيكي يا ما شلتيني
ورموشك غطا بردي
لما ابرد تغطيني
وحضنك هو الأمان عندي
تضميني وتحميني
وانتي عارفة يا أمي
قلبي حتة من حبك
وحبك أعلى من شعري
ومهما قلت أو غنيت
حبك أقوى م الكلمات
ومهما عملت ف حياتي
مش هقدر أوفيكي
عمرك ما طلبتي شئ
وبحتاجك بلاقيكي
نفسي تطلبي مرة
واقولك يا أما لبيكي
عمري يا غالية كله يهون
والله ما يغلى عليكي
ومنايا رضى ربي
لما يا أمي أرضيكي
                                       ابنك حبيبك /            
 الغريب
...تابع القراءة

| 0 التعليقات ]




على خديكي دمعٌ حزين
لنبعٍ يسيل ولا يستكين
مضت أعوام ولم ينقطع
كيف عرفت؟!هل تسألين؟!

شقت دموعك نهري ظلام
معاً ينبعان من قلـب مَعين
قلـبٌ عليـل بجـرحٍ عميـق
وموج النهر يفيض من سنين

دماء وماء ونار تزيد
عاد يثور البركان القديم
عاد يجول سؤال العاشقين
إذا الخليل رحـل لمن تتركين؟
فلا مكان عندي لحب جديد
كان الأمان وكان المُعين

خطأٌ أخيتي أوتعرفين؟
فقط أمهليني أريكي اليقين
هذه صورة نصف القلادة
تبحث وليست من المهتدين
لازال منا الحبيب الوفي
مازال فينا الرجل الأمين

أخيتي عيشي تمتعي بالحياة
فلا القلـب رحـل ولا الحـب فات
ولا الدمـع يُرجـع مـن خـان يومـاً
ولا الحزن يحـي حبيباً ... مــات

قومي..أفيقي..اتركي الأنين
انفضي عنكي تراب السـنين
قومي وقولي بما تشـعرين ؟
أسـمعي الناس أري المحبين
نـعـم أنـكـي رمـز الـوفـاء
وأيضاً على الحزن تنتصرين

أحب الوفاء للأولين
وأعرض قلبي فهل تقبلين؟

        المخلص دائماً /             
الـغــريـب
...تابع القراءة

| 0 التعليقات ]




شوف شعبان قال إيه

في تعويم الجنيه

أبوك السقا مات

بعد ما مضى ع الجات



قلعنا الجنيه هدومه

ولبسناه مايوه

وقلنا يلا نعوموا

غرق وقال يا هو



حوشوا الدولار يا ناس

طايح ليه في السوق

ده ما عندوش احساس

والجنيه مخنوق



عم عاطف عبيد

استهدف الاستيراد

سياسة العهد الجديد

بس الغرقة بتزداد



هو احنا مش فاهمين

ولا العملية طناش

عايزين حبة فيتامين

وفضولنا الإنعاش



الاقتصاد تعبان

بيشتكي من فقر الدم

بطل شحاتة يا مان

ارجع لبيتكوا أوام

هاتولنا الباشا شعبان

كفاية يا واد واتلم

كفاية بقى واتلم

شيلتونا الهم



مضينا كمان ع الجات

مش عارف ليه وازاي

كتبونا ف الاموات

راح الاقتصاد مش جي

راح خلاص مش جي



بلعونا الكبار

وظبطونا ع الريموت

ولعوا الاسعار

ان شا الله الكل يموت



مصانع الدخان

والزبالة كمان

رموها للدول النامية

فيت حقوق الانسان

بس بيحموا الحيوان



اتفقوا مع بعضيهم

وعملوا علينا كومبينا

مضونا على اتفاقية

علشان يقضوا علينا



هم بيكرهونا

احنا فينا ايه؟

الاتفاقية ظالمة؟

طيب مضينا ليه؟؟؟!!!!!



يا ريـــــــــس
...تابع القراءة

My Vedio

Face Book Frinds

') }else{document.write('') } }